Тошкент, Ўзбекистон — Англия терма жамоаси футбол бўйича Жаҳон чемпионати чорак финал баҳсида Норвегияни қўшимча вақтдан кейин 2:1 ҳисобида мағлуб этиб, турнир ярим финалига йўл олди. Учинрашув Майами шаҳрида бўлиб ўтди.
Ҳисоб учрашувнинг 36-дақиқасида норвегиялик ярим ҳимоячи Андреас Шельдеруп томонидан очилди. Биринчи бўлимга қўшиб берилган иккинчи дақиқада Жуд Беллингем гол уриб, танаффусга қадар Англия ҳисобни тенглаштирди.
Асосий вақтда ғолиб номи аниқланмади. Ҳал қилувчи гол қўшимча вақтнинг 93-дақиқасида киритилди. Жуд Беллингем дубль қайд этиб, жамоасига ғалаба келтирди.
Ярим финалда Англия терма жамоаси 12 июль куни бўлиб ўтадиган Аргентина ва Швейцария терма жамоалари ўртасидаги чорак финал баҳси ғолиби билан куч синашади. Англия иштирокидаги ярим финал учрашуви 16 июль куни ўтказилади.
