Тошкент, Ўзбекистон — «Навоий кон-металлургия комбинати» акциядорлик жамияти (НКМК) 2026 йилнинг биринчи ярим йиллиги бўйича операцион натижаларини эълон қилди. Олти ой давомида корхона 1 миллион 508,8 минг трой унция олтин ишлаб чиқарди.
Компания маълумотларига кўра, ишлаб чиқарилган маҳсулотнинг пул ифодасидаги ҳажми 86,2 триллион сўмни ташкил этди.
Ҳисобот даврида Инвестиция дастури доирасида 236,8 миллион АҚШ доллари ўзлаштирилди.
Шунингдек, НКМК томонидан 1008 та янги иш ўрни яратилгани маълум қилинди.
Локализация дастури доирасида корхона 808,7 миллиард сўмлик маҳаллийлаштирилган маҳсулот ишлаб чиқарди.
Бундан ташқари, тармоқлараро саноат кооперацияси доирасида комбинат тахминан 4,2 триллион сўмлик маҳсулот харид қилди.