Тошкент, Ўзбекистон — Uzbekistan Airways Etihad Airways билан ҳамкорликда Ўзбекистон ва Бирлашган Араб Амирликлари ўртасидаги йўналишлар тармоғини кенгайтирмоқда.
2026 йил 9 августдан авиакомпания Абу-Даби — Тошкент — Абу-Даби йўналиши бўйича тўғридан-тўғри рейсларни йўлга қўяди.
Авиакомпания таъкидлашича, янги йўналишнинг очилиши йўловчиларга ягона авиачипта орқали БАА бўйлаб саёҳат қилиш учун қўшимча имкониятлар яратади.
Бундан ташқари, UzAirPlus лояллик дастури иштирокчилари Тошкент ва Абу-Даби ўртасидаги янги рейсларда парвоз қилгани учун бонус балларини жамғариш имконига эга бўлади.
Uzbekistan Airways маълум қилишича, янги йўналишнинг йўлга қўйилиши саёҳат имкониятларини кенгайтириш ва Ўзбекистон ҳамда Бирлашган Араб Амирликлари ўртасидаги авиақатновларни янада мустаҳкамлашга қаратилган.
