Тошкент, Ўзбекистон — Ўзбекистон ёшлар футзал терма жамоаси 2026 йил 14 октябрь куни Бишкек шаҳрида бўлиб ўтган иккинчи халқаро ўртоқлик учрашувида Қирғиз Республикаси жамоасига 2:4 ҳисобида мағлуб бўлди.
Қирғизистон терма жамоаси ҳисобни учрашувнинг иккинчи дақиқасида Элдиар Касмакуловнинг голи орқали очди. 22-дақиқада Атабек Каныбеков мезбонлар устунлигини икки голга етказди.
30-дақиқада Абдулборий Илиёсов Ўзбекистон терма жамоасининг ортда қолишини қисқартирди. Бироқ кўп ўтмай Нурдин Мендибаев Қирғизистоннинг икки голлик устунлигини тиклади. 35-дақиқада Даулес Жакыпов жамоасининг тўртинчи голини урди. 39-дақиқада Азизбек Жалолиддинов учрашувнинг якуний ҳисобини белгилади — 4:2.
Учрашув давомида ҳакамлар 27-дақиқада Даниэль Карыбековга, 36-дақиқада Бекзод Мирқосимовга ва 39-дақиқада Даулес Жакыповга огоҳлантириш кўрсатди.
12 октябрь куни Бишкек шаҳрида ўтказилган биринчи ўртоқлик учрашувида ҳам Ўзбекистон ёшлар терма жамоаси Қирғизистон жамоасига 1:2 ҳисобида мағлуб бўлган эди.
