Тошкент, Ўзбекистон — Автомобиль йўллари Қўмитасида Осиё инфратузилмавий инвестиция банкининг (ОИИБ) вице Президенти жаноб Р. Лимитовский бочилигидаги делегация аъзолари билан учрашув бўлиб ўтди. Делегацияни Қўмита раиси Ж,Турсунов қабул қилди.
Осиё инфратузилмавий инвестиция банки (ОИИБ) Хитой ташаббуси билан Осиё-Тинч океани минтақасида молиявий ҳамкорлик ва инфратузилма лойиҳаларини молиялаштиришни рағбатлантириш мақсадида ташкил этилган халқаро молия институти ҳисобланади.
ОИИБ Ўзбекистонда фаол бўлиб, йирик инфратузилма лойиҳаларида иштирок этади, маблағ ажратади. ОИИБ Ўзбекистон иқтисодиётига фаол сармоя киритмоқда ва мамлакат банкнинг энг йирик ҳамкорларидан биридир.
Мамлакатимизда Осиё инфратузилмавий инвестициялар банки иштирокида А380 «Ғузор-Бухоро-Нукус-Бейнеу» автомобиль йўлининг 150—228-км (78 км) қисми реконструкция қилинмоқда. Ҳамкорликни яна бошқа бир нечта йирик лойиҳаларда давом эттириш икки томонлама учрашувнинг бош мақсади.
Жумладан, Республикамизнинг Хоразм вилоятида (188 км), Қорақалпоғистон Республикасида (328 км), Бухоро вилоятида (158 км) умумий фойдаланувдаги автомобиль йўлларини реконструкция қилиш лойиҳалари бўйича музокаралар олиб борилди.
