Тошкент, Ўзбекистон — Турнирда ўнинчи рақам остида сараланган 18 ёшли Йович учрашувни ишончли бошлади. Биринчи сетда Раҳимова 25 та мажбурий бўлмаган хатога йўл қўйди ва америкалик теннисчи 4:0 ҳисобида олдинга чиқиб олди. Дастлабки тўрт гейм қарийб 30 дақиқа давом этди, уларнинг ҳар бирида ҳисоб «ровно»гача борди.
Иккинчи партияда Раҳимова ўйинини яхшилаб, 5:2 ҳисобида олдинга чиқди. 5:3 ҳисобида Йович тўп киритаётганда ўзбекистонлик теннисчи икки сетболга эга бўлди — 15:40.
Бироқ америкалик теннисчи ҳар икки сетболни ҳам қайтаришга муваффақ бўлди.
У биринчи сетболни узоқ давом этган ўйиндан сўнг қайтарди. Ралли унинг узатмасидан бошланган эди. Иккинчи ҳолатда эса Йович қисқа зарбадан муваффақиятли фойдаланди.
Шундан сўнг Йович иккинчи сетда ҳисобни тенглаштирди ва кейинги геймларни ҳам ютиб, учрашувни икки партияда — 6:1, 7:5 ҳисобида якунлади.
Учрашув 114 дақиқа давом этди.
Ғалаба Йовичга турнирнинг кейинги босқичига чиқиш имконини берди. У чорак финалга чиқиш учун поляк теннисчиси Ига Свёнтек билан баҳс олиб боради.