Тошкент, Ўзбекистон — Ўзбекистонлик теннисчи Полина Кудерметова Ҳиндистонда бўлиб ўтаётган WTA 250 тоифасидаги Chennai Open турнирининг чорак финалига йўл олди.
Иккинчи босқич учрашувида Ўзбекистон вакили WTA жаҳон рейтингида 122-ўринни эгаллаб турган Оксана Селехметьева билан баҳс олиб борди ва икки сетда 6:3, 6:0 ҳисобида ғалаба қозонди.
Чорак финалга чиққани учун Кудерметова рейтингига 54 очко қўшиб олди. Live-рейтингнинг дастлабки прогнозларига кўра, у 867 очко билан жаҳон рейтингида 81-ўринга кўтарилиши мумкин.
Теннисчининг расмий рейтинги WTA рейтингининг навбатдаги янгиланишидан сўнг маълум бўлади.
