Тошкент, Ўзбекистон —
Ўзбекистон ва Қирғизистон фармацевтика соҳасида ҳамкорликни кенгайтириш истиқболларини, жумладан, Ўзбекистон фармацевтика маҳсулотларини Қирғизистон бозорига етказиб бериш масалаларини муҳокама қилди.
Учрашув Ўзбекистон Соғлиқни сақлаш ва фармацевтика соҳасини ривожлантириш агентлиги директори Абдулла Азизов ҳамда Қирғизистон Соғлиқни сақлаш вазирлиги ҳузуридаги «Кыргызфармация» давлат корхонаси директори Ақилбек Туратбек уулу бошчилигидаги делегация ўртасида бўлиб ўтди. Бу ҳақда Соғлиқни сақлаш ва фармацевтика соҳасини ривожлантириш агентлиги хабар берди.
Музокаралар давомида икки мамлакат вакиллари ўз ташкилотлари фаолиятининг асосий йўналишларини тақдим этди ҳамда фармацевтика соҳасидаги ҳамкорликни янада ривожлантириш имкониятлари юзасидан фикр алмашди.
Томонлар Ўзбекистон фармацевтика ишлаб чиқарувчилари билан ҳамкорликни кенгайтириш масаласига алоҳида эътибор қаратди.
Маҳаллий фармацевтика маҳсулотларини Қирғизистон бозорига етказиб бериш ҳажмини ошириш истиқболлари муҳокама қилинди.
Учрашув иштирокчилари, шунингдек, икки мамлакат фармацевтика соҳалари вакиллари ўртасидаги ишчи алоқаларни янада ривожлантириш масаласини кўриб чиқди.
Музокаралар якунлари бўйича томонлар ўзаро манфаатли ҳамкорликни давом эттириш, ишчи мулоқотни мустаҳкамлаш ва амалий алоқаларни ривожлантиришга тайёр эканини билдирди.
Учрашув Ўзбекистон ва Қирғизистоннинг соҳавий ташкилотлари ўртасидаги ҳамкорликнинг аниқ йўналишларини, аввало, Ўзбекистон фармацевтика маҳсулотларининг Қирғизистон бозоридаги иштирокини кенгайтириш масалаларини муҳокама қилиш учун майдон бўлди.