Тошкент, Ўзбекистон — «Ўзбекнефтегаз» АЖ 800 мингта халқаро I-REC(E) «яшил» энергия сертификатини харид қилди. Бу компания истеъмол қилган электр энергиясининг қайта тикланувчи манбалардан олинганини тасдиқлайди. Бу ҳақда «Ўзбекнефтегаз» АЖ матбуот хизмати хабар берди.
Харид қилинган сертификатлар Ўзбекистон ҳудудида қайта тикланувчи энергия манбаларидан 800 млн кВт·соат электр энергияси ишлаб чиқарилганига эквивалент.
Компания маълумотларига кўра, I-REC(E) сертификатларидан фойдаланиш истеъмол қилинаётган электр энергиясининг келиб чиқишини расман тасдиқлаш ва компаниянинг ўз энергия истеъмолини қайта тикланувчи манбалар билан боғлаш имконини беради.
Сертификатларни ҳисобга олиш доирасида парник газлари чиқиндилари ҳажми 580,8 минг тонна CO₂га эквивалент миқдорда қисқартирилди.
«Ўзбекнефтегаз»да таъкидланишича, I-REC(E) сертификатлари нафақат экологик кўрсаткичларни тасдиқлаш воситаси, балки истеъмол қилинаётган электр энергиясининг келиб чиқишини ҳужжатлар асосида қайд этиш имконини ҳам беради.
Компания тасдиқланган энергия истеъмоли тўғрисидаги маълумотлардан халқаро инвесторлар, хорижий ҳамкорлар ва рейтинг агентликларига экологик, ижтимоий ва корпоратив бошқарув (ESG) соҳасидаги кўрсаткичлар ҳақида ахборот тақдим этишда фойдаланиши мумкин.
Компания ҳисоблашича, сертификатларни харид қилиш «яшил» иқтисодиёт тамойилларини жорий этиш, экологик масъулиятни ошириш ва фаолиятни барқарор ривожланиш соҳасидаги халқаро талабларга мослаштириш йўлидаги навбатдаги амалий қадам бўлди.