Тошкент, Ўзбекистон — Ўзбекистонлик теннисчи Александра Бармичева Истанбул шаҳрида ўтказилган ITF World Tennis Tour Juniors мусобақасининг J200 тоифасидаги турнири ғолибига айланди.
Мусобақа давомида Бармичева бир қатор муҳим ғалабаларни қўлга киритди. Чорак финалда у турнирнинг биринчи рақамли сараланган теннисчиси, ITF жаҳон ўсмирлар рейтингида 83-ўринни эгаллаб турган туркиялик Айше Бални мағлуб этди.
Учрашув 3:6, 6:3, 6:4 ҳисобида ўзбекистонлик теннисчи фойдасига якунланди.
Турнир бошланишидан олдин Бармичева ITF жаҳон ўсмирлар рейтингида 278-ўринни эгаллаб турган эди.
J200 тоифасидаги турнирдаги ғалаба 200 рейтинг очкосини беради.
Бу Ўзбекистон вакиласига жаҳон ўсмирлар рейтинги навбатдаги янгиланганидан сўнг ўз мавқеини яхшилаш имконини беради.