Тошкент, Ўзбекистон — Тошкент шаҳрининг Яшнобод туманида ҳуқуқни муҳофаза қилувчи органлар илгари судланган, Ички ишлар вазирлиги томонидан уюшган жиноий гуруҳнинг собиқ аъзоси сифатида тилга олинган эркакнинг хонадонидан кокаин аниқлади.
Тезкор-қидирув тадбирини Ўзбекистон Ички ишлар вазирлиги Тезкор қидирув департаменти, унинг ҳудудий бўлинмалари ва Тошкент шаҳар прокуратураси ходимлари ўтказди.
Хонадонни кўздан кечириш вақтида меҳмонхонадан скотч билан ўралган бир нечта қоғоз ўрамлар аниқланган. Экспертиза натижаларига кўра, уларнинг ичида кукунсимон гиёҳвандлик воситаси — кокаин бўлган.
Аниқланган модда олиб қўйилиб, ашёвий далил сифатида расмийлаштирилди.
Ҳуқуқни муҳофаза қилувчи органлар маълумотларига кўра, эркак Фарғона вилоятида туғилган. У аввал бир қатор жиноят моддалари бўйича судланган ва жиноий гуруҳлар аъзоси бўлган.
Ички ишлар вазирлиги, шунингдек, уни жиноий муҳитда «Жора Тошкентский» лақаби билан танилган шахснинг шериги бўлганини маълум қилди.
Фигурантга нисбатан гиёҳвандлик воситаларининг қонунга хилоф муомаласи факти бўйича жиноят иши қўзғатилди.