Тошкент, Ўзбекистон — Сардор Исақулов «Ҳудудий электр тармоқлари» АЖ раҳбари этиб тайинланди. У бунга қадар энергетика соҳасида раҳбарлик лавозимларида ишлаган ҳамда Тошкент вилоятининг икки туманига раҳбарлик қилган.
Исақулов тайинловга қадар «Иссиқлик электр станциялари» АЖ бошқаруви раисининг биринчи ўринбосари лавозимида ишлаган. Шунингдек, у Энергетика вазирлигининг Марказий диспетчерлик бошқармасига раҳбарлик қилган.
Исақулов турли даврларда Тошкент вилоятининг Бекобод ва Паркент туманларига раҳбарлик қилган.