Ikki oyda milliondan oshdi: o‘zbekistondaliklar qayerga safar qilmoqda?

2026 yil boshidanoq o‘zbekistonliklar sayohatga jiddiy kirishib ketgani ko‘rinib turibdi. Yanvar–fevral oylarida mamlakat fuqarolaridan 1 milliondan ortiq kishi turistik maqsadlarda xorijga chiqqan.

Milliy statistika qo‘mitasi ma’lumotiga ko‘ra, jami 1 081 612 nafar o‘zbekistonlik chet elga safar qilgan. Bu esa o‘tgan yilning shu davriga nisbatan qariyb 50 ming nafarga ko‘p degani. Demak, sayohatga qiziqish yildan-yilga o‘sayapti — trend aniq.

Eng qizig‘i, o‘zbekistonliklar uzoq emas, asosan qo‘shni va yaqin davlatlarni tanlashda davom etmoqda. Bu ham vaqt, ham xarajatni tejaydi — aqlli yo‘l.

2026 yilning dastlabki ikki oyida eng ko‘p borilgan davlatlar:

• Qirg‘iz Respublikasi — 426 421 nafar

• Tojikiston — 179 390 nafar

• Qozog‘iston — 166 017 nafar

• Saudiya Arabistoni — 115 350 nafar

• Rossiya — 62 054 nafar

• Turkiya — 34 634 nafar

• BAA — 26 449 nafar

• Tailand — 10 946 nafar

• Xitoy — 8 890 nafar

• Misr — 8 872 nafar

Ko‘rinib turibdiki, Markaziy Osiyo davlatlari hali-hamon top tanlov. Shu bilan birga, Saudiya Arabistoniga safarlar soni yuqori ekani — umra va diniy sayohatlarga talab kuchli ekanini ko‘rsatadi.

Ma’lumot