10 fevral kuni qaysi hududlarda yomg‘ir yog‘ishi mumkin?

“O‘zgidromet” 10 fevral, seshanba kuni uchun navbatdagi prognozni e’lon qildi. Unga ko‘ra, mamlakatning aksariyat hududlarida havo beqarorlashib, ayrim joylarda yomg‘ir yog‘ishi kutilmoqda. Ba’zi mintaqa va vodiylarda tuman tushishi ehtimoli ham bor. Shamol esa bir qator viloyatlarda tezligini oshirib, ayrim nuqtalarda ancha kuchayishi mumkin.

Toshkent shahri

Poytaxtda havo o‘zgaruvchan bo‘ladi, vaqti-vaqti bilan yomg‘ir kuzatiladi. Shamol g‘arbdan 3–8 m/s tezlikda esadi, ayrim paytlarda 12–14 m/s gacha kuchayishi mumkin. Harorat kechasi 8–10° iliq, kunduzi 14–16° iliq.

Qoraqalpog‘iston Respublikasi

Bu hududda havo o‘zgaruvchan: ba’zi joylarda yog‘ingarchilik (yomg‘ir, qor) bo‘ladi, tuman tushadi. Shamol g‘arbdan 7–12 m/s, ayrim joylarda 13–18 m/s gacha kuchayishi mumkin. Harorat kechasi 2° sovuq–3° iliq, kunduzi 2–7° iliq.

Xorazm viloyati

Havo beqaror: ba’zi joylarda yomg‘ir yog‘adi, tuman tushadi. Shamol g‘arbdan 7–12 m/s. Harorat kechasi 0–5° iliq, kunduzi 8–13° iliq.

Buxoro va Navoiy viloyatlari

Havo o‘zgaruvchan bo‘ladi, ba’zi joylarda yomg‘ir yog‘adi, tuman tushishi mumkin. Shamol g‘arbdan 7–12 m/s, ba’zi joylarda 13–18 m/s gacha kuchayadi, ayrim hududlarda ba’zida 20–23 m/s gacha chiqishi ehtimoli bor. Harorat kechasi 5–10° iliq, kunduzi 12–17° iliq.

Toshkent, Sirdaryo, Jizzax, Samarqand viloyatlari

Bu hududlarda ham havo beqaror: ba’zi joylarda yomg‘ir yog‘adi, tuman tushishi mumkin. Shamol g‘arbdan 7–12 m/s, ba’zi joylarda 13–18 m/s gacha, ayrim joylarda ba’zida 20–23 m/s gacha kuchayishi mumkin. Harorat kechasi 5–10° iliq, kunduzi 12–17° iliq.

Qashqadaryo va Surxondaryo viloyatlari

Janubda havo o‘zgaruvchan: ba’zi joylarda yomg‘ir, tuman ehtimoli bor. Shamol g‘arbdan 7–12 m/s, ayrim joylarda 13–18 m/s gacha, ba’zan 20–23 m/s gacha kuchayishi mumkin. Harorat kechasi 7–12° iliq, kunduzi 14–19° iliq.

Andijon, Namangan va Farg‘ona viloyatlari

Vodiyda havo o‘zgaruvchan bo‘ladi, kechasi va ertalab ayrim joylarda biroz yomg‘ir yog‘ishi mumkin. Ba’zi nuqtalarda tuman tushadi. Shamol sharqdan 5–10 m/s. Harorat kechasi 2–7° iliq, kunduzi 10–15° iliq.

Tog‘oldi va tog‘li hududlar

Bu yerda havo yanada injiqroq: vaqti-vaqti bilan yog‘ingarchilik (yomg‘ir, qor) kuzatiladi, ayrim joylarda kuchli bo‘lishi mumkin. Tuman tushishi ehtimoli bor. Shamol g‘arbdan 7–12 m/s, ba’zi joylarda 13–18 m/s gacha kuchayadi. Harorat kechasi 2° sovuq–3° iliq, kunduzi 2–7° iliq.

Ma’lumot