Тошкент, Ўзбекистон — Ўзбекистонда 4–5 ноябрь кунлари кутилаётган ёмғирлар сабабли тўққизта вилоятнинг тоғ олди ва тоғли ҳудудларида сел оқимлари, сув тошқинлари ва сув босиши хавфи прогноз қилинмоқда. Бу ҳақда Ўзгидромет огоҳлантирди.
Қашқадарё вилоятининг Яккабоғ, Деҳқонобод, Чироқчи, Китоб, Шаҳрисабз, Қамаши ва Ғузор туманларида хавф юзага келиши мумкин.
Сурхондарё вилоятида огоҳлантириш Сариосиё, Узун, Олтинсой, Денов, Бойсун, Шеробод, Шўрчи, Қумқўрғон ва Музработ туманларига тааллуқли.
Самарқанд вилоятида Ургут, Самарқанд, Булунғур, Нуробод, Қўшработ, Каттақўрғон, Пайариқ, Жомбой ва Иштихон туманлари хавф ҳудудига киритилган.
Навоий вилоятининг Хатирчи, Навбаҳор, Нурота, Конимех ва Кармана туманларида ҳам хавф эҳтимоли бор.
Жиззах вилоятида огоҳлантириш Зомин, Бахмал, Ғаллаорол, Шароф Рашидов, Фориш ва Янгиобод туманларига тегишли.
Тошкент вилоятининг Оҳангарон, Бўстонлиқ, Паркент, Пискент, Ўрта Чирчиқ ва Юқори Чирчиқ туманларида, шунингдек, Ангрен ва Олмалиқ шаҳарларида сел ҳодисалари ва сув тошқинлари хавфи сақланиб қолмоқда.
Наманган вилоятида Поп, Косонсой, Чортоқ, Чуст, Наманган ва Янгиқўрғон туманлари рўйхатга киритилган. Фарғона вилоятида эса огоҳлантириш Сўх, Шоҳимардон, Фарғона ва Бешариқ туманларига тарқалади.
Бундан ташқари, Андижон вилоятининг Андижон, Асака, Жалолқудуқ, Қўрғонтепа, Пахтаобод, Избоскан, Хўжаобод ва Марҳамат туманларида, шунингдек, Хонобод шаҳрида хавф прогноз қилинмоқда.
Ўзгидромет тоғ олди ва тоғли ҳудудлар аҳолисини, дам олувчиларни ҳамда тоғли ҳудудларда ҳаракатланаётган ҳайдовчиларни эҳтиёт чораларига риоя қилишга чақирди.
Айрим ҳудудларда ёмғир сувлари тўпланиши ҳам мумкин. Бу эса ҳудудларни сув босишига олиб келиши эҳтимоли бор.