Lionel Messining 2023 yilda “Barselona” klubiga qaytmay qolgani bilan bog’liq mojaro yana avj oldi. Jamoaning sobiq sport direktori Mateu Alemany Xavi Ernandesning so’zlarini tasdiqlab, klub argentinalik yulduzni qaytarish uchun ligadan ruxsat olganini ma’lum qildi. Bu esa prezident Joan Laporta va La Liga rahbari Xaver Tebasning saylovlar oldidan aytgan rasmiy bayonotlariga mutlaqo ziddir. Bu haqda goal.com
xabar
beradi.
Hozirda “Atletiko” klubida ishlayotgan Alemany 2021 yildan 2023 yilgacha “Barselona”da faoliyat yuritgan. U Chempionlar ligasi doirasidagi o’yin oldidan bergan intervyusida Xavining voqealar rivoji haqidagi talqini to’liq haqiqat ekanini ta’kidladi. “Xavi haq, ular bizga La Ligadan ruxsat borligini aytishgan edi”, dedi Alemany.
Avvalroq Xavi Laportani deyarli hal bo’lgan transferni barbod qilganlikda ayblagan edi. Uning so’zlariga ko’ra, rahbariyat “yashil chiroq” yonganini aytgan, ammo keyin kutilmaganda hammasi bekor qilingan. Laporta esa bu ayblovlarni rad etib, sobiq murabbiyni bo’lajak prezidentlik saylovlari oldidan siyosiy o’yinlar qurboni bo’layotganini ta’kidladi.
Laportaning ta’kidlashicha, transfer rahbariyatning taqiqi tufayli emas, balki futbolchi vakillari bilan aloqa yo’qolgani sababli amalga oshmagan. U 2023 yilning may oyida Xorxe Messiga shartnoma yuborganini, ammo Xorxe o’g’li bosim ostida qolishni istamay, “Inter Mayami” klubiga o’tishni ma’qul ko’rganini aytgan. La Liga rahbari Tebas ham bu fikrni qo’llab-quvvatlab, liga hech qachon moliyaviy ruxsat bermaganini va rasmiy so’rov ham bo’lmaganini qo’shimcha qildi.
15 mart kuni bo’lib o’tadigan saylovlar oldidan prezidentlikka nomzod Viktor Font bu vaziyatdan foydalanib, klubdan to’liq shaffoflikni talab qilmoqda. Xavi tomonidan qo’llab-quvvatlanayotgan Font amaldagi rahbariyat o’z xatolarini Xansi Flik va yosh iqtidorlar olib kelayotgan muvaffaqiyatlar ortiga yashirayotganini aytdi. U Messining o’zi ham bu borada haqiqatni aytishiga umid qilmoqda.
Ma’lumot
Mehmon
guruhidagi foydalanuvchilar ushbu nashrga izoh qoldira olmaydi.
Yangiliklar
»
Sport
» Xavi haq edi: Messining Barselonaga qaytishi atrofidagi mojaro
So’nggi yangiliklar
Gvardiola Vinisius xavfiga to‘xtaldi: "Siti" rejasini ochiqladi…
Bugun, 11:37
"Navbahor" qorli kechada "Paxtakor"ni qanday "muzlatib" ketdi? (video)
Bugun, 11:21