Тошкент, Ўзбекистон — 5 апрель куни ўзбекистонлик гроссмейстер Жавоҳир Синдаров шахмат бўйича 2026 йилги Номзодлар мусобақасининг еттинчи турида Аниш Гири билан дуранг ўйнади.
Партия якунларига кўра, Синдаров мумкин бўлган 7 очкодан 6 очко тўплаб, турнир жадвалида етакчиликни сақлаб қолмоқда. Аниш Гири эса 3,5 очко билан учинчи ўринни эгаллаб турибди.
Турнинг бошқа партияларида иккинчи ўринда бораётган Фабиано Каруана ҳам Рамешбабу Праггнанандха билан дуранг қайд этди. Каруананинг ҳисоби 4,5 очкони ташкил этмоқда.
Саккизинчи турда Жавоҳир Синдаров Андрей Есипенко билан тўқнаш келади.
2026 йилги Турнир претендентлари 29 мартдан 15 апрелгача Кипрда ўтказилмоқда. Унда дунёнинг энг кучли саккиз нафар гроссмейстери, жумладан Хикару Накамура ва Фабиано Каруана иштирок этмоқда. Синдаров учун бу мусобақа мазкур даражадаги илк иштирок ҳисобланади.
Мусобақа икки даврадан иборат бўлиб, мукофот жамғармаси 500 минг еврони ташкил этади. Мусобақаси ғолиби амалдаги жаҳон чемпиони Доммаражу Гукешга қарши жаҳон шахмат тожи учун ўйнаш ҳуқуқини қўлга киритади.