Тошкент, Ўзбекистон — "Ўзтемирйўлконтейнер" АЖ компаниянинг 2025–2030 йилларга мўлжалланган ривожланиш стратегиясини амалга ошириш доирасида 250 та янги 40 HC туридаги катта тоннажли контейнер сотиб олди. Янги контейнерлар асосан Хитой — Ўзбекистон — Хитой йўналиши бўйлаб экспорт-импорт юкларини ташишда фойдаланиш режалаштирилмоқда. Бу ҳақда "Ўзтемирйўлконтейнер" АЖ хабар берди.
Компаниянинг ривожланиш стратегияси замонавий катта тоннажли 1 000 та контейнердан иборат паркни кенгайтиришни назарда тутади. 250 та контейнерни харид қилиш ушбу вазифани амалга оширишнинг навбатдаги босқичи бўлди.
Компания маълум қилишича, янги контейнерлар ташиш имкониятларини ошириш, мавжуд паркни янгилаш ҳамда халқаро йўналишларда контейнер ташувларининг барқарорлигини таъминлаш имконини беради.
Келгусида "Ўзтемирйўлконтейнер" Хитой ва Ўзбекистон ўртасидаги юк оқимларига хизмат кўрсатиш учун янги қувватлардан самарали фойдаланишни режалаштирмоқда.
Компания, шунингдек, комплекс транспорт-логистика хизматларини ривожлантириш, халқаро контейнер ташувлари географиясини кенгайтириш ва транспорт харажатларини оптималлаштириш бўйича ишларни давом эттирмоқда.
