Тошкент, Ўзбекистон — Ўзбекистон Республикаси Инвестициялар, саноат ва савдо вазири Лазиз Кудратов, Афғонистон саноат ва савдо вазири Нуриддин Азизий ҳамда Қирғиз Республикаси Иқтисодиёт ва тижорат вазири ўринбосари Искендер Асилкулов бугун минтақада шериклик муносабатларини мустаҳкамлашга қаратилган ташаббуслар муҳокамасида иштирок этдилар.
Томонлар бизнесда ҳамкорликни кенгайтириш ҳамда қўшма лойиҳаларни ҳаётга татбиқ этиш масалаларига алоҳида эътибор қаратдилар.
Афғонистон тарафи транспорт йўналишларини диверсификация қилиш бўйича биргаликдаги саъй-ҳаракатларга тайёр эканини ва бундан манфаатдорлигини билдирди.
Ушбу режаларни амалга ошириш мақсадида томонлар тариф сиёсатини мувофиқлаштиришни ҳамда транзит жараёнларини соддалаштирувчи рақамли ечимларни жорий этишни кўзламоқдалар.
