O‘zbekiston milliy terma jamoasi bosh murabbiyi Fabio Kannavaro jamoa atrofidagi ish jarayonini yanada kuchaytirishga bel bog‘ladi. Italyan mutaxassis o‘z shtabiga bir nechta tajribali va ishonchli kadrlarni jalb etganini rasman ma’lum qildi.
Kannavaroning ta’kidlashicha, jamoa hozirda katta maqsadlar sari intilayotgan bir pallada jamlangan. “Tabassum, mehnat va ishtiyoq bilan olg‘a harakat qilyapmiz. FIFA Series musobaqasini Toshkentda qarshi olamiz va bu — birinchi Jahon chempionatimiz orzusi tobora yaqinlashayotganini anglatadi”, — deya yozdi u ijtimoiy tarmoqda.
Mutaxassis murabbiylar shtabiga uch nafar yangi a’zoni qo‘shganini ham ochiqladi. Jumladan, uning ukasi Paolo Kannavaro yordamchi murabbiy sifatida ish olib bormoqda va u Dubaydagi yig‘inidan buyon jamoa bilan faoliyat yurityapti. Shuningdek, fizioterapevt Simone Sijillo hamda tibbiy sohada katta tajribaga ega, 2006 yilgi jahon chempionligida ishtirok etgan professor Enriko Kastellachchi ham shtabga jalb etildi.
Bu o‘zgarishlar “Oq bo‘rilar”ning tayyorgarlik jarayoniga yangi nafas olib kirishi kutilmoqda. Ayniqsa, jismoniy holat va tiklanish jarayonlariga alohida e’tibor qaratilishi jamoaning umumiy o‘yin sifatini yanada oshirishi mumkin.
Eslatib o‘tamiz, O‘zbekiston milliy jamoasi 27 mart kuni Gabon terma jamoasiga qarshi maydonga tushadi. Ushbu uchrashuv nafaqat natija, balki jamoaning yangi shakllanayotgan uslubini ko‘rsatish nuqtayi nazaridan ham muhim ahamiyat kasb etadi.
Ma’lumot
Mehmon
guruhidagi foydalanuvchilar ushbu nashrga izoh qoldira olmaydi.
Yangiliklar
»
Sport
» Fabio Kannavaro shtabiga yangi mutaxassislar qo‘shildi, maqsad katta…
So’nggi yangiliklar
26 mart oltin quymalarning sotuv narxlari e'lon qilindi
Bugun, 11:49
Didiye Desham Fransiya termasidagi o‘rinbosar haqida norozi fikr bildirdi
Bugun, 10:55
Milliardlab dollarlik investitsiyalar: yangi iqtisodiy imkoniyatlar eshigi
Bugun, 10:48