Angliya Premer-ligasining 31-turi doirasida “Everton” o‘z maydonida “Chelsi”ni qabul qildi va muxlislar kutmagan darajada ishonchli g‘alabaga erishdi.
Uchrashuv boshidanoq mezbonlar tashabbusni qo‘lga oldi. 33-daqiqada Bet-u hisobni ochib, jamoasini oldinga olib chiqdi. Bu gol “irislar”ga yanada ishonch bag‘ishladi va ular maydonda ustunlikni saqlab qolishdi.
Ikkinchi bo‘limda ham vaziyat o‘zgarmadi. 62-daqiqada Bet-u yana bir bor aniq zarba yo‘llab, dubl qayd etdi va hisobni 2:0 ko‘rinishiga olib keldi. “Chelsi” esa himoyada xatolarga yo‘l qo‘yishda davom etdi.
Uchrashuvga nuqtani 76-daqiqada Ndiay qo‘ydi. Uning goli orqali hisob yirik ko‘rinish oldi — 3:0. Qolgan vaqtda mehmonlar hisobni qisqartirishga urindi, ammo samarali harakatlar kuzatilmadi.
“Everton” — “Chelsi” 3:0
Gollar
: Bet-u (33, 62), Ndiay (76)
“Everton”
: Pikford — O’Brayen, Tarkovski, Kin, Mikolenko — Garner, Geye — Maknil (Brantueyt, 78), Dyusberi-Xoll (Ayrogbunam, 90), Ndiay (Rel, 90) — Bet-u (Barri, 81)
“Chelsi”
: Sanches — Gyusto (Garnacho, 46), Fofana, Xato, Kukurelya — Laviya (Santos, 57), Kaysedo (Adarabioyo, 78) — Palmer, Fernandes, Net-u (Estevao, 70) — Pedro (Delap, 78)
Ogohlantirish
: Garnacho (69), Fofana (87)
Ushbu ishonchli g‘alabadan so‘ng “Everton” ochkolarini 46 taga yetkazib, turnir jadvalida 7-o‘ringa ko‘tarildi. “Chelsi” esa 48 ochko bilan 6-pog‘onada qolib ketdi va raqobat yanada keskinlashdi.
Devid Moyes boshchiligidagi jamoa bu o‘yinda jismoniy tayyorgarlik, intizom va taktik jihatdan raqibidan ancha ustun bo‘ldi. “Chelsi” esa hujumda ham, himoyada ham kutilgan darajani namoyon eta olmadi.
Qisqasi, bu o‘yin “Everton” uchun ideal ssenariy bo‘ldi — ishonchli g‘alaba, ko‘tarilgan ruh va jadvalda yuqorilash. Endi ular shu tempni saqlab qolsa, yanada yuqori o‘rinlar uchun kurashish imkoniyati bor.
Ma’lumot
Mehmon
guruhidagi foydalanuvchilar ushbu nashrga izoh qoldira olmaydi.
Yangiliklar
»
Sport
» “Everton” o‘z maydonida “Chelsi”ni yirik hisobda mag‘lub etdi (video)
So’nggi yangiliklar
"Arsenal" bugun "Man Siti"ni yengib Liga kubogini qo‘lga kirita oladimi?
Bugun, 11:55
Rossiya va AQSH Eron bo‘yicha "maxfiy bitim"ni muhokama qilmoqda
Bugun, 11:14
Arbeloa Mbappening jismoniy va psixologik holati haqida ma’lumot berdi
Bugun, 10:54