Yevropa futbolida eng nufuzli musobaqalardan biri — Chempionlar ligasining nimchorak final bosqichi yana bir nechta yorqin va esda qolarli bellashuvlar bilan yakunlandi. Ushbu bosqichda muxlislar e’tibori, ayniqsa, Angliyaning mashhur klubi “Liverpul”ning o‘yiniga qaratildi.
Arne Slot boshqaruvidagi mersisaydliklar o‘z uy maydoni — “Enfild”da Turkiyaning kuchli va tajribali jamoalaridan biri “Galatasaroy”ni qabul qildi. Kutilishlar katta edi, ammo amalda maydonda faqat bir jamoa hukmronlik qildi.
“Liverpul” uchrashuvni yuqori tempda boshlab, ilk daqiqalardanoq raqib darvozasiga bosim o‘tkazdi. Birinchi bo‘lim o‘rtalarida Dominik Soboslai hisobni ochib, jamoasiga ustunlik olib keldi. Bu gol nafaqat hisobni o‘zgartirdi, balki o‘yin ruhiyatini ham to‘liq mersisaydliklar tomoniga burib yubordi.
Ikkinchi bo‘limda esa “Liverpul” haqiqiy shou namoyish etdi. Ekitike, Gravenberx va Muhammad Saloh kabi yulduzlar ketma-ket gollar urib, raqibni batamom taslim qildi. Hujum chizig‘idagi aniqlik va jamoaviy o‘yin “qizillar”ning ustunligini yanada mustahkamladi.
Natijada 4:0 hisobida yirik g‘alaba qayd etildi. Ikki o‘yin natijasiga ko‘ra umumiy hisob 4:1 bo‘lib, “Liverpul” ishonchli tarzda keyingi bosqichga yo‘l oldi.
YECHL. 1/8 final
Liverpul – Galatasaroy 4:0
Gollar
: Soboslai 25, Ekitike 52, Gravenberh 53, Saloh 62
Liverpul
— Alisson, van Deyk, Konate, Kerkez, Virts, Soboslai, Makallister, Saloh (Gakpo, 74), Ekitike, Frimpong (Jons, 67), Gravenberh.
Galatasaroy
— Ugurjon Chakir, Yakobs, Shallai, Gabriel Sara, Torreyra, Abdelkerim, Osimhen (Sane, 46), Yilmaz, Singo, Boe (Lang, 46, Ikardi 80), Lemina.
Eslatib o‘tamiz, endi ingliz klubini yanada jiddiy sinov kutib turibdi — ular chorak finalda Fransiyaning grand jamoasi PSJga qarshi maydonga tushadi. Bu to‘qnashuv allaqachon futbol muxlislari orasida katta qiziqish uyg‘otmoqda.
Qisqacha aytganda, “Liverpul” hozirda juda yaxshi formada va jamoa har bir o‘yinda o‘z imkoniyatlarini maksimal darajada namoyon etmoqda. Agar shu ruhda davom etsa, ularni bu mavsumda yana katta natijalar kutib turishi hech gap emas.
Ma’lumot
Mehmon
guruhidagi foydalanuvchilar ushbu nashrga izoh qoldira olmaydi.
Yangiliklar
»
Sport
» “Liverpul” shiddatli g‘alaba qozonib PSJga qarshi yo‘l oldi
So’nggi yangiliklar
Zuhra Soliyeva: “Farzandli bo‘lish uchun 4 yil kurashdim” (video)
Bugun, 11:00
Tramp ko'proq qo'shin yuborishni ko'rib chiqmoqda
Bugun, 10:49
Maftuna Xolmurodova to‘ylardan bir oyda qancha topishini ma'lum qildi (video)
Bugun, 10:48