Ispaniya La Ligasining 29-turida «Real» Madridda «Elche» jamoasini qabul qildi. «Santyago Bernabeu»da bo‘lib o‘tgan bahsda mezbonlar ishonchli o‘yin namoyish etib, raqibini 4:1 hisobida mag‘lubiyatga uchratdi.
Uchrashuvning birinchi bo‘limidayoq madridliklar ustunlikni qo‘lga oldi. 39-daqiqada Antonio Ryudiger aniq zarba bilan hisobni ochdi. Oradan ko‘p o‘tmay, 44-daqiqada Federiko Valverde ikkinchi golni kiritib, jamoasi ustunligini yanada mustahkamladi.
Ikkinchi bo‘limda ham «qirollik klubi» hujumkor o‘yinni davom ettirdi. 66-daqiqada Heysen raqib darvozasini yana bir bor ishg‘ol qildi. Uchrashuvning so‘nggi daqiqalarida esa turkiyalik yarimhimoyachi Arda Guler chiroyli va ta’sirli zarba bilan supergol urib, hisobni yanada yiriklashtirdi.
Mehmonlar safida yagona gol 85-daqiqada qayd etildi. Moranning avtogoli «Elche»ga bir gol yozish imkonini berdi, ammo bu natija o‘yin taqdiriga ta’sir qila olmadi.
Shu tariqa, Arbeloa boshqarayotgan «Real» ochkolari sonini 66 taga yetkazib, chempionlik uchun kurashda muhim g‘alabaga erishdi. «Elche» esa 26 ochko bilan turnir jadvalida 17-o‘rinda qolmoqda.
La Liga. 29-tur
Real — Elche 4:1
Gollar
: Ryudiger 39, Valverde 44, Heysen 66, Guler 89 — Moran 85 (avtogol).
Real
: Kurtua, Karvaxal, Ryudiger, Heysen, Fran Garsiya, Tiago (Palasios, 64), Chuameni, Kamavinga, Valverde (Gonsalo Garsiya, 58), Brahim Dias (Moran, 63), Vinisius (Guler, 58).
Elche
: Dituro, Sangare (Pedrosa, 23), Affengruber, Valera, Chust, Petrot, Kepeda, Redondo, Febas, Net-u, Silva.
Ma’lumot
Mehmon
guruhidagi foydalanuvchilar ushbu nashrga izoh qoldira olmaydi.
Yangiliklar
»
Sport
» “Real” “Elche”ni yirik hisobda mag‘lub etdi: Guler “supergol” urdi (video)
So’nggi yangiliklar
Moskvadagi “Viktoriya” mukofoti yulduzlarni birlashtirdi
Bugun, 08:53
Malika Ravshanova sun’iy intellekt yordamida klip yaratishga munosabat bildirdi
Bugun, 08:51
Tramp g‘alaba haqida gapirdi: Eronning haqiqiy kuchi sirligicha qolmoqda
Bugun, 08:29