Madridning Real klubi kelajak uchun tarkibni yoshartirishda davom etmoqda. Ispaniya matbuotida tarqalgan xabarlarga ko’ra, qirollik klubi Manchester Siti vakili, 20 yoshli ingliz futbolchisi Niko O’Raylini o’z safiga qo’shib olishni rejalashtirmoqda. Madridliklar skautlari aynan Britaniya bozorida yosh va iqtidorli o’yinchilarni qidirishga alohida e’tibor qaratishgan. Bu haqda vesti.kz
xabar
beradi.
Niko O’Rayli garchi markaziy yarim himoyachi sifatida tanilgan bo’lsa-da, Pep Gvardiola qo’l ostida ko’proq himoya qanotlarida harakat qilmoqda. U joriy mavsumda barcha turnirlarda 40 ta o’yinda maydonga tushib, 6 ta gol va 5 ta golli uzatmaga mualliflik qildi. Futbolchining Manchester Siti bilan 2030-yilga qadar mo’ljallangan uzoq muddatli shartnomasi mavjud bo’lishiga qaramay, Real Madrid uning transferi bo’yicha jiddiy ish olib bormoqchi.
Transfermarkt portali yosh futbolchining bozor qiymatini 40 million yevro atrofida baholamoqda. Madrid klubi rahbariyati Niko O’Rayli kelajakda jahon futbolining yangi yulduziga aylanishiga ishonch bildirmoqda. Ayni damda tomonlar o’rtasidagi muzokaralar rasman boshlanmagan bo’lsa-da, ushbu transfer yozgi mavsumning eng shov-shuvli voqealaridan biriga aylanishi mumkin.
Ma’lumot
Mehmon
guruhidagi foydalanuvchilar ushbu nashrga izoh qoldira olmaydi.
Yangiliklar
»
Sport
» Real Madrid Man Siti futbolchisiga qiziqish bildirmoqda
So’nggi yangiliklar
Treyder bir necha kunda million dollarga yaqin foyda qildi
Bugun, 11:52
Real Madrid Mikel Artetani o'z safiga qo'shib olmoqchi
Bugun, 11:50